Վուլվերհեմփթոնի պորտուգալացի կիսապաշտպանը կհեռանա թիմից

«Վուլվերհեմփթոնի» կիսապաշտպան Ժոաո Մոուտինյոն կլքի ակումբը, հայտնում է լրագրող Ֆաբրիցիո Ռոմանոն։

«Գայլերի» գլխավոր մարզիչ Խուլեն Լոպետեգին հաստատել է, որ ակումբը մոտ ժամանակներս հայտարարություն կանի 36-ամյա պորտուգալացու հեռանալու մասին, հայտնում է աղբյուրը։

Մոուտինյոն «Վուլվզում» հանդես է գալիս 2018 թվականից։ Այս մրցաշրջանում կիսապաշտպանը անցկացրել է 36 հանդիպում, որոնցում կատարել է 2 գոլային փոխանցում, փոխանցում է ArmSport.am-ը։