Պրահայում բախվել են երկու տրամվայներ

Չորեքշաբթի Պրահայում երկու տրամվայներ են բախվել, որոնցից մեկի վարորդն ու ուղեւորը տուժել են։ Shantnews.am-ի փոխանցմամբ՝ այս մասին Twitter-ի իր էջում հայտնել է Չեխիայի մայրաքաղաքի փրկարարների ու հրշեջների համատեղ ծառայությունը։

Նրա խոսքով՝ բախման հետևանքով տրամվայներից մեկի վարորդը արգելափակվել է խցիկում։

«Աշխատանքներ են տարվում նրան դուրս բերելու ուղղությամբ, այդ ընթացքում ներերակային դեղորայք ենք տրամադրել, ցավի դեմ դեղամիջոց է ստացել, նաև վիրավորվել է 48-ամյա մի կին»,- ասվում է հաղորդագրության մեջ։

Բախումը տեղի է ունեցել Մոդրժանսկա փողոցում։ Տրամվայներում 10 մարդ է եղել։ Ոստիկանությունը պարզում է միջադեպի պատճառները։ Այս հատվածում տրամվայի երթեւեկությունը ժամանակավորապես դադարեցված է։