Մոուրինյուն բացառիկ է բոլոր առումներով․ Ռակիտիչ

Իվան Ռակիտիչը համաձայն է, որ Ժոզե Մոուրինյուն Յուրահատուկ է։

Մայիսի 31-ին Եվրոպա լիգայի եզրափակիչում «Սևիլյան» կմրցի «Ռոմայի» հետ։

«Մեզ համար նույնիսկ ավելի դժվար կլինի, քան «Յուվենտուսի» հետ: Նախ, քանի որ «Ռոման» գլխավորում է աշխարհի լավագույն մարզիչներից մեկը։ Այսպես ասեմ՝ նա թոփ 3-ում է։ Նա հիանալի մարզիչ է, որն արդեն հաղթել է բոլոր եվրոպական մրցաշարերում և ոչ միայն:

Նա իսկապես «յուրահատուկ» ստրատեգ է, բացառիկ՝ բոլոր իմաստներով։

Ընդհանուր առմամբ, «Ռոման» թիմ է, որը կարող է գլուխ հանել ցանկացած իրավիճակից: Իսկ նա ունի շատ տաղանդավոր ֆուտբոլիստ, Արգենտինայի հավաքականի կազմում աշխարհի չեմպիոն դարձած Պաուլո Դիբալան։ Երդվում եմ, որ զարմացա, երբ տեսա, որ «Յուվենտուսը» չի երկարաձգել նրա պայմանագիրը։

Դիբալային շատ դժվար է զսպել։ Տեխնիկապես լավ, հնարամիտ և անկանխատեսելի խաղացող»,- Tuttosport-ին ասել է «Սևիլյայի» կիսապաշտպանը։

Աղբյուր  ArmSport.am