Ուզում ենք հաղթել ՉԼ-ն, մենք նվաճել ենք բոլոր տիտղոսները, բացի մեկից․ Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան խոսել է Չեմպիոնների լիգայի կիսաեզրափակիչի՝ «Ռեալի» սպասվող պատասխան խաղի մասին։

«Երբ ես ժամանեցի այստեղ, նրանք ինձ չասացին, որ պետք է հաղթել Չեմպիոնների լիգան։ Ինձ ասացին. «Փորձիր անել առավելագույնը»: Մենք նվաճել ենք բոլոր գավաթները, բացի այս մեկից: Պարտվելով «Ռեալին», «Չելսիին», մենք, իհարկե, ցանկանում ենք հաղթել։

Մենք ուզում ենք, և մարդիկ ասում են, որ մենք մոտ ենք, բայց ես կարծում եմ, որ մենք դեռ մոտ չենք: Միևնույն ժամանակ, «Ռեալի» կամ «Չելսիի» դեմ յուրաքանչյուր հանդիպում մեզ համար երազանք է։ Ոչ ոք չի կարող երաշխավորել, որ ապագայում մենք կրկին այստեղ կլինենք»,- Գվարդիոլայի խոսքն է մեջբերում Manchester Evening News-ը:

Չեմպիոնների լիգայի կիսաեզրափակիչի պատասխան խաղում՝ մայիսի 17-ին, «Մանչեսթեր Սիթին» կմրցի Մադրիդի «Ռեալի» հետ։ Թիմերի միջև առաջին հանդիպումն ավարտվել է ոչ-ոքի՝ 1:1 հաշվով։

Աղբյուր  ArmSport.am