Ո՞ր մթերքները չի կարելի ուտել միասին. վտանգավոր համադրությունների վեցնյակը

Շատերը գիտեն, որ ոչ բոլոր դեղերն են համատեղելի: Բայց քչերը գիտեն, որ դա վերաբերում է նաև սննդի մեջ պարունակվող նյութերին: Կան համակցություններ, որոնք կարող են վնասել օրգանիզմին։

Անհամատեղելի մթերքների համակցությունները կարող են առաջացնել մարսողական տարբեր խնդիրներ։ Օրինակ՝ փքվածություն, փորկապություն, փորլուծություն, այրոց և այլն, գրում է Aysor.am-ը։

Որոշ դեպքերում այդ մթերքները կարող են հակասել միմյանց՝ իրենց հատկություններով կամ կազմով: Դրա պատճառով վատանում է նյութափոխանակությունը, խանգարվում է վիտամինների, հանքանյութերի և այլ հետքի տարրերի կլանումը։ Այսպիսով, սպիտակուցային մթերքները օսլա պարունակող մթերքների հետ դանդաղեցնում են մարսողության գործընթացը։

Պետք է հիշել նաև, որ որոշ սննդանյութեր կարող են փոխազդել դեղերի հետ՝ նվազեցնելով դրանց արդյունավետությունը կամ առաջացնելով կողմնակի բարդություններ: Ուստի սննդակարգ կազմելիս պետք է հաշվի առնել դրանց համատեղելիությունը։

Անհմատեղելի սննդանյութերի շարքում հայտնի զույգերն են՝

կալցիում և երկաթ. Կալցիումը կարող է խանգարել երկաթի կլանմանը, այնպես որ չպետք է միաժամանակ ուտել այս տարրերով սնունդ (օրինակ, կաթը կամ պանիրը կարմիր մսի հետ),

օսլա և սպիտակուց. Օսլան կարող է դանդաղեցնել սպիտակուցի կլանումը, ուստի ավելի լավ է զերծ մնալ այն ուտելիքների միաժամանակյա ընդունումից, որոնք պարունակում են մեծ քանակությամբ օսլա և սպիտակուց (օրինակ՝ կարտոֆիլը մսի հետ),

ճարպային մթերքներ և մրգեր. Ճարպերը դանդաղեցնում են մրգային շաքարների կլանումը (պանիրը մրգի հետ համադրելը կարող է ունենալ տհաճ հետևանքներ),

բանջարեղեն և կաթնամթերք. Որոշ բանջարեղեններ կարող են խանգարել կաթնամթերքի մեջ պարունակվող կալցիումի կլանմանը (օրինակ՝ սպանախը մածունով կամ պանրով ուտելիս),

ալկոհոլ և թունդ սուրճ .Դրանց փոխազդեցությունն առաջացնում է ստամոքս-աղիքային տրակտի լրացուցիչ գրգռում,

թթու մրգեր և կաթ. Թթուն էլ իր հերթին նպաստում է սպիտակուցի քայքայմանը, այդ իսկ պատճառով դրանք չպետք է միաժամանակ օգտագործվեն: