Չեմ կարծում, որ մենք ֆավորիտ ենք Ինտերի հետ խաղում․ Պիոլի

«Միլանի» գլխավոր մարզիչ Ստեֆանո Պիոլին խոսել է Չեմպիոնների լիգայի կիսաեզրափակիչի՝ «Ինտերի» դեմ սպասվող առաջին հանդիպման մասին։

««Ինտերը» հիանալի թիմ է, ես չեմ կարծում, որ մենք ֆավորիտ ենք, բայց դա մեզ չի հետաքրքրում։ Մենք կվայելենք այն ամենը, ինչ մեզ շրջապատում է մինչև չորեքշաբթի մեկնարկը, իսկ հետո կտանք այն ամենը, ինչ ունենք։ Մենք պետք է զգանք այս հուզմունքը։ Մենք երազանք ունենք, և հիանալի կլինի իրականացնել այն»,- Պիոլիի խոսքն է մեջբերել Football Italia-ն։

Ընթացիկ մրցաշրջանում «Ինտերի» հետ նախորդ երեք հանդիպումներում «Միլանը» մեկ հաղթանակ է տարել և կրել երկու պարտություն։

Չորեքշաբթի՝ մայիսի 10-ին, «Ռոսոներիները» Չեմպիոնների լիգայի կիսաեզրափակիչի առաջին խաղում կմրցեն «Ինտերի» հետ:

Աղբյուր  ArmSport.am