Աղվան Ալեքսանյանը Բռնցքամարտի երիտասարդների ԵԱ-ի եզրափակչում է, Արմեն Պողոսյանը՝ բրոնզե մեդալակիր

Երևանում ընթացող բռնցքամարտի երիտասարդների Եվրոպայի առաջնությունում Հայաստանի ներկայացուցիչ, 80 կգ քաշային Աղվան Ալեքսանյանը հիանալի հաղթանակով դուրս է եկել եզրափակիչ:

Կիսաեզրափակչում Ալեքսանյանն ուժերն է չափել Ռումինիայի ներկայացուցչի հետ և 5:0 բացահայտ առավելությամբ հաղթանակի հասել մրցակցի նկատմամբ:

Ավելի վաղ, Հայաստանի հավաքականի կազմում մեդալակիր է դարձել 75 կգ քաշային Արմեն Պողոսյանը: Նա կիսաեզրափակչում ուժերը չափել է Իտալիայի ներկայացուցչի հետ և 3-4 հաշվով ցավալի պարտություն է կրել՝ արժանանալով բրոնզե մեդալին:

Աղբյուր  ArmSport.am