Սպեցնազի Մգրոն ապրեց ու գործեց հետախույզի կարգախոսով՝ վասն հայրենյաց, կերտելով փառահեղ մարտական ուղի (վիդեո)

ՀՀ ԶՈւ հատուկ նշանակության խմբի ղեկավար Մկրտիչ Հարությունյանը՝Մգրոն, ապրեց ու գործեց հետախույզի կարգախոսին հավատարիմ՝ վասն հայրենյաց՝ առանց փառքի իրավունքի: «Զինուժ»-ը ռեպորտաժ է պատրաստել ՀՀ Մարտական խաչ 1-ին աստիճանի շքանշանի ասպետ, մայոր Մկրտիչ Հարությունյանի մասին:

Մայոր Հարությունյանը քաջի մահով ընկել է ապրիլի 11-ին՝ ՀՀ ինքնիշխան տարածքն անձնվիրաբար պաշտպանելիս:

«Իր տեսակն ուրիշ էր, միշտ ամեն առավոտ ժպտալով գալիս էր, փորձում էր բոլորի մեջ դրական էմոցիւա մտցներ»,- պատմում է մարտական ընկերը:

Զինվորական միջավայրում Մկրտիչին Մգրո էին կոչում նրա հայրենի՝ Սասունի բարբառով, դա նաեւ նրա մարտական ծածկանուն էր:

Ծառայությունը Մկրտիչի համար գոյության իմաստ էր, նա տիրապետում էր բացառիկ մարտավարական հնարքների, նաեւ անձամբ էր մարտավարություններ մշակում եւ սովորեցնում իր խմբի տղաներին, նա հրամանատար էր, ում հետեւից գնում էին: Հայրենիքի համար բոլոր վտանգավոր պահերին նա առաջնագծում էր, ամենաբարդ ու վտանգավոր հատվածներում՝ 2016, 2020 թվականների պատերազմների ամենաթեժ հատվածներում է կռվել:

«Ասում էր՝ մենք պարտք ունենք տալու, այն, ինչ-որ կորցրել ենք, հետ պետք է բերենք: Դա մեր կյանքի նպատակն է»,- պատմում է մարտական ընկերը:

Մանրամասները՝ տեսանյութում: