Հրդեհ՝ Փարաքարի կահույքի սրահներից մեկում. բարդությունը՝ «1 ԲԻՍ» (լուսանկարներ)

Ապրիլի 20-ին, ժամը 14:40-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Փարաքար գյուղի Մայրաքաղաքային փողոցի 98 հասցեում գտնվող կահույքի սրահում: Այս մասին մամուլի հաղորդագրություն է տարածել ՀՀ ներքին գործերի նախարարության փրկարար ծառայությունը:

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը:

Ըստ նախնական տվյալների՝ մոտ 300-400 քմ մակերեսով մեկհարկանի շինությունում այրվում են կահույքի երեսպատման պարագաներ։

Հրդեհը մեկուսացվել է ժամը 15:14-ին: