Վաղարշապատի ոստիկանները հայտնաբերել են թմրանյութ ու հրացան

Ապրիլի 5-ին նույնպես արդյունավետ էր Վաղարշապատի ոստիկանների ուժեղացված ծառայությունը: Բաժնի պարեկապահակետային ծառայության դասակի աշխատակիցներն առավոտյան ժամը 10.30-ին Էջմիածին-Մարգարա ճանապարհին ձերբակալել և բաժին են տեղափոխել Էջմիածնի 23-ամյա մի բնակչի: Խուզարկությամբ նրա պայուսակի մեջ հայտնաբերվել է օդաճնշիչ հրացան:

Նույն օրը, երեկոյան ժամը 17.30-ին, թմրանյութ պահելու համար Փարաքար-Նաիրի ճանապարհին ձերբակալվել և բաժին է տեղափոխվել մայրաքաղաքի Նորք-Մարաշի 33-ամյա մի բնակիչ: Խուզարկությամբ նրա մոտ հայտնաբերվել է դեղնականաչավուն զանգվածով երկու փաթեթ: Նա հայտնել է, թե թմրանյութն իրենն է, պատրաստել է վայրաճ կանեփի թփերից:

Մոտ ժամուկես անց Վաղարշապատի պարեկապահակետային ծառայողները ձերբակալել և բաժին են տեղափոխել Ակնալիճ գյուղի 39-ամյա մի բնակչի: Կասկածանքը նույնն էր` ապօրինի թմրանյութ պահելը: Անձնական խուզարկությամբ տղամարդու մոտ հայտնաբերվել են դեղնականաչավուն զանգվածով երեք փաթեթ, մեկ փաթեթ կանեփի սերմ և մոխրացած հետքերով երկու կաթուցիչ:

Կազմված փաստաթղթերն ուղարկվել են Վաղարշապատի քննչական բաժին: Հանգամանքները պարզվում են:

Վաղարշապատի բաժնի, Արմավիրի մարզային վարչության և ոստիկանության տարածքային մյուս ստորաբաժանումների հակաթմրամոլային միջոցառումները շարունակվում են: