Հայտնաբերվել է Հայրենական մեծ պատերազմի գերմանական ռումբ՝ 250 կգ քաշով

Սևաստոպոլի բնակելի թաղամասում հայտնաբերվել է գերմանական բեկորային ավիառումբ՝ 250 կգ քաշով։ «Shantnews.am»-ի փոխանցմամբ՝ այս մասին հայտնել են ՌԴ ԱԻՆ Սևաստոպոլ քաղաքի գլխավոր տնօրինության մամուլի ծառայությունից։

«Էրոշենկոյի փողոցի տարածքում հայտնաբերվել է Հայրենական մեծ պատերազմի ժամանակների պայթուցիկ նյութ, որը գտել են վարչության մասնագիտացված ջոկատի աշխատակիցները դիմումների պլանային մշակման ժամանակ, և գտածոն նույնականացվել է որպես գերմանական ավիացիոն ռումբ SD. -250. Հայտնաբերման վայրի անմիջական հարևանությամբ գտնվում է բնակելի տարածք»,- ասված է հաղորդագրության մեջ։

Ռուսաստանի Արտակարգ իրավիճակների նախարարության Սևաստոպոլ քաղաքի գլխավոր վարչությունը տեղափոխվել է արտակարգ ռեժիմի։ Ինչպես նշել են վարչությունում, վտանգավոր տարածքը շրջափակված է։

Արտակարգ իրավիճակների նախարարությունից հավելել են, որ ապահովիչի վիճակն ու տեսակը թույլ են տալիս այն տեղափոխել։

«Գտածոն կտեղափոխվի հատուկ տեղամաս՝ հետագայում վերահսկվող պայթեցմամբ ոչնչացնելու համար: Օպերատիվ շտաբի աշխատանքները կազմակերպվել են, և գլխավոր տնօրինության օպերատիվ խումբ է ուղարկվել վայր»,- պարզաբանել են վարչությունից։

Այս տիպի օդային ռումբերն օգտագործվել են Երկրորդ համաշխարհային պատերազմի ժամանակ, դրանք ստեղծում են մեծ քանակությամբ բեկորներ, որոնք ունակ են ոչնչացնել զրահամեքենաներ: