Որքա՞ն կվաստակի Մարգո Ռոբին «Բարբի» ֆիլմի համար

Մարգո Ռոբին համարվում է ամենաբարձր վարձատրվող հոլիվուդյան դերասանուհիներից մեկը։ Աստղը ոչ միայն «Բարբի» ֆիլմի գործադիր պրոդյուսերն է, այլև գլխավոր դերակատարը։

Ինսայդերներից մեկը Channel Seven-ին ասել է, որ եթե ֆիլմը հաջողի, Ռոբին բառացիորեն մեծ կարողություն կվաստակի: «Այս ամենը մեծ թափ է հավաքում և, իհարկե, շատ վառ տեսք ունի», – Showbiz-ի փոխանցմամբ՝ ասել է ինսայդերը:

«Նա մեծ գումար կվաստակի, եթե ֆիլմը համաշխարհային վարձույթ դուրս գա», – հավելել է նա: Նշվում է, որ ավստրալացի աստղն արդեն ստացել է 12,5 միլիոն դոլարի հոնորար:

Մարգո Ռոբիի և Ռայան Գոսլինգի մասնակցությամբ «Բարբի»-ի թրեյլերը դիտեք այստեղ:

Ի դեպ, Գրետա Գերվիգի ֆիլմում կխաղան նաև Դուա Լիպան, Հելեն Միրենը, Քոնոր Սվինդելսը (հայտնի է «Սեռական դաստիարակություն» սերիալից), Ուիլ Ֆերելը, Էմմա Մաքքեյը և շատ ուրիշներ։