Մի անգամ Կլոպն ինձ հարցրեց՝ ուզում եմ Լիվերպուլ տեղափոխվել, ծիծաղեցի․ Լևանդովսկի

«Բարսելոնայի» հարձակվող Ռոբերտ Լևանդովսկին պատմել է, թե ինչպես է «Լիվերպուլի» գլխավոր մարզիչ Յուրգեն Կլոպը կանչել իրեն անգլիական ակումբ, երբ լեհ հարձակվողը պաշտպանելիս է եղել «Բավարիայի» գույները։

Լևանդովսկին Կլոպի գլխավորությամբ Դորտմունդի «Բորուսիայում» խաղացել է 4 տարի։

«2017 թվականին ես և «Բավարիան» հյուրընկալել էինք «Լիվերպուլին» Մյունխենում՝ Audi Cup-ի (նախամրցաշրջանային մրցաշարի) շրջանակում:

Ես ու Կլոպը զրուցեցինք։ Նա ինձ հարցրեց. «Ուզո՞ւմ ես տեղափոխվել «Լիվերպուլ»»: Մենք նայեցինք իրար, հետո ես ծիծաղեցի։

Չգիտեմ, թե արդյոք նա այդ ժամանակ լիովին լուրջ էր, բայց ես երբեք չեմ մտածել «Լիվերպուլ» տեղափոխվելու մասին»,- ասել է Լևանդովսկին Sport Witness-ին։

Աղբյուր  ArmSport.am