Մենիսկի վնասում. բուժման հավանական տարբերակները

Մենիսկը (մահիկ) բազմաֆունկցիոնալ օրգան է, որը կարևորագույն դեր է կատարում ծնկան հոդում:

Մահիկի երեք հիմնական ֆունկցիաներն են՝

մեխանիկական. մասնակցում է հոդի բիոմեխանիկային,

կենսաբանական. մասնակցում է հոդի սնուցմանը, սինովիալ հեղուկի բնականոն շրջանառությանը,

պաշտպանիչ. պաշտպանիչ միջադիրի դեր է խաղում վերին և ներքին ոսկրերի միջև՝ կանխելով դրանց շփումը, գրել է Aysor.am-ը։

Մենիսկի վնասումը զբաղեցնում է ծնկան հոդի ներքին կառուցվածքների վնասման մեջ առաջին տեղը: Ընդ որում՝ ներքին մենիսկն ավելի հաճախ է վնասվում, քան արտաքինը:

Մենիսկի վնասման հիմնական պատճառը տրավման է, որն առավել հաճախ հանդիպում է մարզիկների մոտ, ինչպես նաև տարեցների շրջանում, քանի որ տարիքի հետ մենիսկը սկսում է մաշվել:

Մենիսկի վնասումները կարող են լինել ամբողջական և ոչ ամբողջական:

Ախտանշաններն են՝

ցավեր ծնկան հոդում և շարժումների սահմանափակում հոդի շրջանում,

այտուցվածություն,

հոդերում հեղուկի առկայություն:

Մենիսկի վնասումը հնարավոր է ախտորոշել ուլտրաձայանյին հետազոտության միջոցով:

ՈՒՁՀ նշաններն են՝

մենիսկը անհամասեռ կառուցվածք ունի,

եզրագծերը անհարթ են,

առկա է վնասման զոնա (մենիսկի մարմնի շրջանում կամ եզրային),

մենիսկի ֆրագմենտացիա,

մենիսկի արտանկում։

Այսօր ամբողջ աշխարհում 99% դեպքերում մենիսկը հեռացնելու փոխարեն վերականգվում է, իսկ մենիսկի վիրահատությունը ներառում է մի քանի տարբերակ՝ մենիսկի մարմնի ռեզեկցիա (մասնահատում), ամբողջական հեռացում և վերականգնում: Վիրահատությունը կատարվում է ծնկան հոդում՝ արթրոսկոպիայի միջոցով: