Պարզվել է, որ միգրենը կապված է արյան մեջ շաքարի մակարդակի հետ․ Genes

Ավստրալիայի Քվինսլենդի տեխնոլոգիական համալսարանի գիտնականները միգրենը կապում են արյան շաքարի մակարդակի հետ: Shantnews.am-ի փոխանցմամբ՝ բժշկական հետազոտության արդյունքները հրապարակվել են Genes ամսագրում։

Գիտնականներն ուսումնասիրել են միգրենային գլխացավից տառապող հազարավոր հիվանդների գենոմները,։ Հեղինակները փորձել են գենետիկ կապ գտնել արյան գլյուկոզայի և միգրենի միջև: Բանն այն է, որ այս հիվանդությունը հաճախ զուգորդվում է 2-րդ տիպի շաքարախտի, հիպոգլիկեմիայի (արյան շաքարի ցածր մակարդակ), հիպերինսուլինեմիայի (ինսուլինի ավելցուկ) և ինսուլինի դիմադրության հետ: Սակայն մինչ այդ գիտնականները չեն կարողացել կապ հաստատել այս հիվանդությունների միջև։

«Մենք հայտնաբերեցինք գենետիկական փոխկապակցվածություն և ընդհանուր տեղորոշիչներ և գեներ, հաստատեցինք պատճառահետևանքային կապը, և այդպիսով հաստատեցինք և բարելավեցինք միգրենի, գլխացավի և գլիկեմիկ բնութագրերի միջև փոխհարաբերությունների մեր ըմբռնումը»,- բացատրում են հեղինակները:

Այսպիսով՝ սոված ժամանակ ինսուլինի մակարդակը և արյան շաքարի մակարդակը գենետիկորեն կապված են ինչպես միգրենի, այնպես էլ «նորմալ» գլխացավերի հետ: Ըստ հեղինակների՝ այս արդյունքները հնարավորություններ են բացում միգրենով և գլխացավով հիվանդների մոտ գլիկեմիկ ցուցանիշների բուժման նոր ռազմավարությունների մշակման համար, մասնավորապես՝ սոված ժամանակ պրոինսուլինի մակարդակի բարձրացում՝ գլխացավից պաշտպանվելու համար: