Շախմատի կանանց անհատական ԵԱ․ Մարիամ Մկրտչյանն ու Պոլինա Կոբակը հաղթանակ տարան

Չեռնոգորիայի Պետրովաց քաղաքում շարունակվում է կանանց անհատական Եվրոպայի 23-րդ առաջնությունը։

Կայացել են 5-րդ խաղափուլի հանդիպումները։ Հայաստանի ներկայացուցիչներից հաղթանակ տոնեցին միայն Մարիամ Մկրտչյանն ու Պոլինա Կոբակը. նրանք հաղթեցինք համապատասխանաբար ռումինացի և իսպանացի շախմատիստուհիներին:

Էլինա Դանիելյանն ու Լիլիթ Մկրտչյանն էլ համապատասխանաբար ոչ-ոքի խաղացին ադրբեջանցի Գովհար Բեյդուլաևայի և գերմանացի Դինարա Վագների, իսկ Աննա Սարգսյանը՝ լեհ Աննա Կուբիչկայի հետ:

Պարտվեց միայն Սուսաննա Գաբոյանը.նրա մրցակիցը լատվիացի Ռամոնա Գոլստայն էր:

5 տուրից հետո հայ շախմատիստուհիներից լավագույն արդյունքն ունեցող Էլինա Դանիելյանն ու Լիլիթ Մկրտչյանն ունեն 4-ական միավոր: Մարիամ Մկրտչյանն ունի 3,5 միավոր, Աննա Սարգսյանը և Պոլինա Կոբակը՝ 3-ական միավոր, Սուսաննա Գաբոյանը՝ 2:

6-րդ մրցափուլը կկայանա մարտի 23-ին:

Աղբյուր  ArmSport.am