Եթե ՄՅՈւ-ն հարձակվող է փնտրում, ապա պետք է ձեռք բերի Օսիմհենին․ Բերբատով

«Մանչեսթեր Յունայթեդի» նախկին հարձակվող Դիմիտար Բերբատովը նշել է, թե որ հարձակվողին կցանկանար տեսնել մանչեսթերյան թիմում։

«Վիկտոր Օսիմհենին։ Նա հիմա հիանալի մարզավիճակում է Նա շատ երիտասարդ է, լավ է պայքարում օդում, ունի բացառիկ արագություն, իսկ «Նապոլիի» կազմում նրա խփած գոլերը անհավանական են։ Եթե ​​ՄՅՈւ-ն ամռանը հարձակվող է փնտրելու, ապա նա պետք է առաջնահերթ թիրախ լինի»,- ասել է բուլղարացին Betfred-ի հետ զրույցում։

24-ամյա Օսիմհենի պայմանագիրը «Նապոլիի» հետ ուժի մեջ է մինչև 2025 թվականը։ Այս մրցաշրջանում ֆուտբոլիստն անցկացրել է 29 հանդիպում բոլոր մրցաշարերում՝ դառնալով 25 գոլի և 5 գոլային փոխանցման հեղինակ:

Հարձակվողը «Նապոլի» է տեղափոխվել 2020 թվականին «Լիլից»՝ 75 միլիոն եվրոյի դիմաց:

Աղբյուր  ArmSport.am