на Русском
Արտարժույթի փոխանակման հայտարարությունները՝ ծ... 
Իրանի և Հայաստանի ժողովուրդներն իրական ընկերն... 
Ղարաբաղի հարցը ոչ Արայիկից, ոչ Ալիեւից եւ ոչ էլ Պուտինից կախված չէ․ Վազգեն Մանուկյան․ «Հրապարակ»
«Հայրենիքի փրկության շարժման» առաջնորդ, ՀՀ նախկին վարչապետ Վազգեն Մանուկյանը «Հրապարակ»-ի հետ զրույցում անդրադարձել է Արցախի ճակատագրին և հնարավոր պատերազմի մասին լուրերին:
-Նիկոլ Փաշինյանն ասում է, որ առաջիկայում կարող է Ադրբեջանը ռազմական էսկալացիա սկսել: Նա գուժում է նոր պատերազմի վտանգի մասին:
-Այդ քննարկումների մեջ չեմ ցանկանում շատ խորը մտնել, սակայն պատերազմի վտանգ միշտ էլ կա, ոչ մի նորություն չկար այդտեղ: Նամանավանդ, որ Հայաստանը ոչ մի ջանք չի թափում բանակը վերակառուցելու, արդիականացնելու, կրկին մարտունակ դարձնելու համար: Վտանգ միշտ էլ կա:
-Նիկոլ Փաշինյանն ակնարկեց, որ մինչև 2023-ի ավարտը պետք է Ադրբեջանի պահանջները բավարարվեն….
-Հասկանալի է…. երկու կողմով էլ կանգնած են կարմիր գծի վրա: Պատերազմը միշտ էլ հավանական է:
-Արցախի նախագահը բացառում է, որ Արցախը կարող է գնալ Ադրբեջանի պահանջած ինտեգրացիայի ճանապարհով:
-Իհարկե, ինտեգրացիա չի կարող լինել: Ղարաբաղի հարցը ոչ Արայիկից, ոչ Ալիևից և ոչ էլ Պուտինից կախված չէ: Այն արդեն միջազգային հարց է, որը դեռ երկար է մնալու:
-Իսկ ումի՞ց է կախված Ղարաբաղի հարցը:
-Դա կախված է շատ պետությունների շահագրգռվածություններից: Այն մի հանգույց է, որը որպես Ղարաբաղի հարց միջազգային հարթակում մնալու է:
