Ադրբեջանցիները փորձել են մուտք գործել Ստեփանակերտ․ դա արդեն լուրջ ահաբեկչություն է․ Մետաքսե Հակոբան

«Արցախում երեկվանից ծանր լռություն է․ զոհված 3 տղաները բավականին հայտնի անձինք էին՝ հայրենասիրությամբ, իրենց գիտակցական կյանքում իրական խաղաղության համար պայքարած տղաներ էին։ Այն, ինչ երեկ կատարվեց,վերջին երկու տարվա ընթացքում առաջին դեպքն էր, այն առումով, որ նման ծանր մարտական գործողությունը տեղի է ունենում Ստեփանակերտի մատույցներում։

Որպեսզի մեր հայրենակիցների համար պարզլինի և պատկերացնեն դրալրջությունը, բացատրեմ տեղանքը։ Դաուղիղ գծով Ստեփանակերտից ընդամենը շատ կարճ հեռավորության վրա է , մոտ՝ մեկ ուկես կիլոմետր հեռավորությամբ և, բնականաբար, իրենք փաստորեն փորձել են նաև մուտք գործել Ստեփանակերտ։ դա արդեն լուրջ ահաբեկչություն է»,-Yerevan.Today-ի հետ զրույցում ասաց Արցախի «Արդարություն» խմբակցության պատգամովր Մետաքասե Հակոբյանը՝ անդրադառնալով Արցախում տեղի ունեցած երեկվա ահաբեկչությանը, որի արդյունքում երեք ոստիկան զոհվեց, նրանց գործընկերն էլ ծանր վիճակում է՝ վերակենդանացման բաժանմունքում։

«Հերթական անգամ Ադրբեջանը փաստում է, որ իր համար կոնկրետ չեղարկված են նոյեմբերի 9-ի պայմանավորվածությունները ևդրանով պայմանվորված, իհարկե, Արցախում շատ մեծ լարվածություն և անհանգստություն կա․ բոլորը սպասումեն, թե հաջորդ քայլով ինչ է տեղի ունենալու, արդյո՞ք քաղաքական ինչ-որ գործընթացներ տեղի կունենան, թե՞ այդպես էլ լռությանմատնված կշարունակվի այս գործընթացը»,-ասաց Մետաքսե Հակոբյանը։

Արձագանքելով Նիկոլ Փաշինյանի՝ Գերմանիայում ունեցած ելույթին, թե նոյեմբերի 9-ից սկսածամեն ինչ արել են Արցախի անվտանգության ապահովման համար, արցախցի պատգամավորը նշեց․ «2018-ից Հայաստանի հանրապետության վարչապետը և իր այդ խմբակը զավթեցին իշխանությունը, որպեսզի հանձնեն Արցախը, առաջին նպատակը դա էր՝ նման օտարածինմարմիններին իշխանությունբերելու ՀՀ-ում։ Իրենց համար հաջողությամբ իրականացրին՝ կոտորելով մեր հազարավոր հայորդիներին ու հանձնելով Արցախը։ Նոյեմբերի 9-ից այս կողմ Փաշինյանը շատ հստակ քաղաքականություն է վարում՝ ավարտին հասցնելու այն բոլոր խոստումները, որը դեռևս այդ վերելակային դիվանագիտության ժամանակ արդեն կային։Բնականաբար,Արցախը հանձնլեով չէ այս գործընթացն ավարտվում, որովհետև ակնհայտ է հիմա գոնե, որ կային նաև պայմանավորվածություններ Հայաստանի սուվերեն տարածքից ստրատեգիական նշանակության հատվածների տրամադրումը ադրբեջանցիներին, «Զանգեզուրի միջանցքի» տրամադրումը։ Այն, որ ինքն ասում է՝ ամենինչ արել է, այո՛ արել է զուտ նրա համար, ոպեսզի Արցախից ազատվի։ Վերջիին արդեն մեկ տարվա ընթացքում Փաշինյանն իր խոսույթում դա ուղիղ նշում է, նաև ՔՊ-ական պատգամավորները և, ընդանրապես, ՔՊ-ականները դա չեն թաքցնում և ուղիղ է խոսում են այդ մասին։

ՆիկոլՓաշինյանն ու իր խմբակը, ըստ էության, ոչ միայն Արցախն է կործանում, այլև կործանում է Հայաստանի Հանրապետությունը, և, դեռևս 2022 թվականի ապրիլի 13-ին, ինքը հստակ բանակցային գործընթացն ավելի շուտ հստակեցրեց՝ հայտարարելով, իբրև թե միջազգային հանրությունը պահանջումէ Արցախի նշաձողի իջեցում և դրանից հետո սկսեց հայտարարել, որ ոչ թե Արցախի կարգավիճակից պետք է բխի անվտանգությունն ու իրավունքները Արցախում ապրող հայերի, այլ հակառակը, պետք է անվտանգությունից ու իրավունքներից բխի կարգավիճակը։ Այսինքն ընդամենը մեկ նախադասությամբ Նիկոլ Փաշինյանը, ի լուր աշխարհի, հայտարարեց, որ ինքը ճանաչումէ Արցախը Ադրբեջանի կազմում, դրանից հետո մենք տեսանք ակտիվ գործընթացները, որոնք տեղի ունեցան Արցախի և Հայաստանի շուրջ․ փաստը երեկվա ահաբեկչությունն էր, որը կոնկրետ ռազմական գործողություն էր»։

Մետաքսե Հակոբյանին խնդրեցինք մեկնաբանել նաև 2022 թվականի ապրիլի 14-ին Արցախում բոլոր քաղաքական ուժերի կողմից ընդունված միասնական հայտարարությանը և դրա ակտուալությանը։ Ի պատասխան մեր զրուցակիցն ասաց, որ երբ ընդունվում էր այդ հայտարարությունն իրենք չէին պատկերացնում հետագա զարգացումները․«Արցախի իշխանութունը քաղաքան հեզությամբ կատարում է այն բոլոր հրահանգները, որ տրվում են ՀՀ օտարածին իշխանությունների կողմից և արդյունքում գաղափարը, որի շուրջ կար միասնականություն, հենց իշխանությունների ձեռքով, նախագահի ձեռքով էլ սասանվեց, և ներքաղաքական կյանքը կարծես քաոսի վերածվեց, որովհետև պայքարող կողմի համար, համենայն դեպս խորհրդարանում ներկայացված 3 ընդդիամդիր ուժերի համար ընդունելի չէր։Խոսում են կարմիր գծերի մասին, բայց այդպես էլ չենք լսում, թե իշխանությունների համար որոնք են կարմիր գծերը, երբ օրինակ Գերմանիայի կանցլերի և Փաշինյանի հանդիպմանն անդրադառնալով երկրի նախագահը շնորհակալություն է հայտնում Գերմանիայի կանցլերին , բայց որևէ կերպ չի անդրադառնում Նիկոլ Փաշինյանի արած վտանգավոր հայտարություներին հենց այդ հանդիպման ժամանակ։ Այսինքն, քաղաքական հեզությունը շարունկավում է և դա ընդունլի չէ ո՛չ ժողովրդի համար, ո՛չ քաղաքական շատ ուժերի համար, գիտակից և ազգային մտածողությամ ուժերի մասին է խոսքը»։