Երեխան ընկել է չորրորդ հարկի պատուհանից և ողջ մնացել (տեսանյութ)

ՌԴ Նովգորոդի մարզի Չուդովո քաղաքում երեխան ընկել է բարձրահարկ շենքի պատուհանից։ Դեպքի առթիվ մարզային դատախազությունը հետաքննություն է կազմակերպել, Mediahub.am-ի փոխանցմամբ՝ հաղորդում է Gazeta.ru-ն։

Դեպքը տեղի է ունեցել մարտի 3-ի ցերեկը Նեկրասովի փողոցի բարձրահարկ շենքում։ Առանց հսկողության մնացած չորս տարեկան տղան ընկել է չորրորդ հարկի բնակարանի պատուհանից։ Դատախազության հրապարակած տեսանյութերում երևում է, թե ինչպես է երեխան ընկնում խանութի ծածկի վրա, որը գտնվում է բնակելի շենքի առաջին հարկում։

Տղային տեղափոխել են հիվանդանոց, բժիշկները նրա մոտ ախտորոշել են տարբեր ծանրության կոտրվածքներ։

Հայտնի է, որ երեխային հայրն է դաստիարակում, տղայի մայրը զրկված է ծնողական իրավունքներից։