Մեր արտագնա խաղերում երկրպագուներն անհավանական են․ Գվարդիոլա

Պեպ Գվարդիոլան «Բորնմուտի» հետ խաղից (4-1) հետո խոսել է «Մանչեսթեր Սիթիի» ֆուտբոլիստների՝ երկրպագուների հանդեպ ունեցած պարտավորությունների մասին։

Անգամ երկրորդ խաղակեսում, 4-0 հաշվի դեպքում, «Մանչեսթեր Սիթիի» ֆուտբոլիստները ագրեսիվ պայքարում էին գնդակի համար և փորձում էին անառիկ պահել դարպասը:

«Ֆուտբոլիստները դժվարության մեջ կհայտնվեն, եթե դադարեն իրենց այդպես պահել: Նրանք խնդիրներ կունենան։ Երբ երկրպագուները մեքենայով 5-6 ժամով հանդիպման են գնում, տոմս են առնում… Մեր աշխատավարձով պետք է վազել նույնիսկ 3:0, 4:0, 5:0 հաշվի ժամանակ:

Դա այդպես է։ Դուք կարող եք լավ կամ վատ խաղալ: Բայց այս ակումբում ներդրված ջանքերի չափը երբեք կասկածի տակ չի դրվի, քանի դեռ ես այստեղ եմ աշխատում:

Տեսնո՞ւմ եք, թե որքան երջանիկ են խաղացողները հաղթանակներից հետո։ Նրանք լավ զգացմունքներ են հաղորդում մարդկանց, ընտանիքներին։ Ասեք ինձ, եթե այս զգացումից ավելի լավ բան կա: Մեր արտագնա խաղերում երկրպագուներն անհավանական են»,- մեջբերում է «Մանչեսթեր Սիթիի» մարզչին Sky Sport-ը:

Աղբյուր  ArmSport.am