Բրեդ Փիթը երեխաներին ծանոթացրել է իր նոր ընկերուհու հետ

Անցած աշնանը հայտնի դարձավ, որ Բրեդ Փիթը նոր սիրելի ունի։ Հոլիվուդյան սրտակերը սկսել է հանդիպել 29-ամյա Ինես դե Ռամոնի հետ։ Դերասանի ընտրյալի մասին շատ բան հայտնի չէ։ Աղջիկը աշխատում է որպես ֆիթնեսի և առողջության պահպանման հարցերով մարզիչ:

Նա ամուսնացած է եղել Փոլ Ուեսլիի հետ, ով հայտնի դարձավ «Վամպիրի օրագրերը» հեռուստասերիալի շնորհիվ։ Դատելով նրանից, թե ինչպես է Բրեդը վերջին շրջանում փայլում, կարելի է հասկանալ, որ նա երջանիկ է այս հարաբերություններում։ Եվ նրանց սիրավեպը միայն զարգանում է:

Դերասանը կնոջն արդեն ծանոթացրել է իր երեխաների մեծ մասին։ Միաժամանակ, իր մտերիմ ընկերոջ խոսքերով, իրեն չի հետաքրքրում, թե ինչ է մտածում Անջելինա Ջոլին Ինեսի հետ իր սիրավեպի մասին։ «Նրան չի հետաքրքրում, թե ինչ է մտածում Էնջին: Իրականում նա ցանկանում է, որ նա իմանա, որ երջանիկ է ուրիշի հետ»,- ասում է աղբյուրը:

Այժմ Բրեդը աջակցում է Ինեսին Փոլ Ուեսլիից նրա ամուսնալուծության ընթացքում: Ոչ վաղ անցյալում նախկին սիրահարները ամուսնությունը դադարեցնելու դիմում են ներկայացրել դատարան։ Եվ դա չնայած այն բանին, որ նրանք բաժանվել են անցյալ տարի։ Բաժանման պատճառը «անհաշտելի տարաձայնություններն» էին։