Ռեալը նոր տրանսֆերային նպատակ ունի

Մադրիդի «Ռեալը» հայացքն ուղղել է «Տոտենհեմի» պաշտպան Քրիստիան Ռոմերոյի կողմը, հայտնում է Fichajes-ը:

Ըստ աղբյուրի՝ մադրիդյան թիմի նախագահ Ֆլորենտինո Պերեսը տպավորված է Ռոմերոյի խաղով։ Նա կարծում է, որ պաշտպանության կենտրոնում Ռոմերոյի համագործակցությունը Միլիտաոյի հետ կարող է կատարյալ լինել:

Նշվում է նաև, որ անգլիական ակումբը չի ծրագրում բաց թողնել արգենտինացուն՝ նրան համարելով թիմի ամենակարևոր խաղացողներից մեկը։

24-ամյա պաշտպանի գործող պայմանագիրը լոնդոնյան ակումբի հետ նախատեսված է մինչև 2027 թվականի ամառը:

Այս մրցաշրջանում նա «Տոտենհեմի» կազմում անցկացրել է 20 հանդիպում: Ֆուտբոլիստի տրանսֆերային արժեքը Transfermarkt-ի համաձայն գնահատվում է 60 միլիոն եվրո։

Աղբյուր  ArmSport.am