Ահա թե ինչու է ԱՊԼ-ն աշխարհի լավագույն լիգան․ Ժորժինյո

«Արսենալի» կիսապաշտպան Ժորժինյոն խոսել է Պրեմիեր լիգայի 24-րդ տուրում «Ասթոն Վիլլայի» դեմ հանդիպման մասին։ Հանդիպումն ավարտվել է լոնդոնցիների կամային հաղթանակով՝ 4-2 հաշվով։

«Սա Պրեմիեր լիգան է.․․ Ահա թե ինչու է ԱՊԼ-ն աշխարհի լավագույն լիգան: Այս լիգան պարզապես հրաշալի է:

Այս հաղթանակը շատ կարևոր է վերջին արդյունքներից հետո, որոնք մեզ համար անհաջող էին։ Հանդիպման սկիզբը հեշտ չէր, բայց մենք կարողացանք շրջել հանդիպման ընթացքը։

Իմ գո՞լը․․․ ես ուրախ եմ, որ դա տեղի ունեցավ այսօր»,- Ժորժինյոյին է մեջբերում BBC-ն:

«Արսենալը» 54 միավորով գլխավորեց Պրեմիեր լիգայի մրցաշարային աղյուսակը: «Աստոն Վիլան» (28) զբաղեցնում է աղյուսակի 11-րդ հորիզոնականը։