Իսրայելի արտգործնախարարը ժամանել է Կիև

Իսրայելի արտաքին գործերի նախարար Էլի Քոհենը այսօր պաշտոնական այցով ժամանել է Կիև, որտեղ սպասվում Է նրա հանդիպումը Ուկրաինայի նախագահ Վլադիմիր Զելենսկիի հետ: Այս մասին հաղորդում է «Արմենպրես»-ը՝ վկայակոչելով Jerusalem Post պարբերականին:

«Սա Իսրայելի բարձրաստիճան պաշտոնյայի առաջին այցն է Ուկրաինա անցյալ տարի այդ երկիր Ռուսաստանի ներխուժումից հետո», - ասվում է հրատարակության հաղորդագրության մեջ։

Պարբերականը նշում է, որ այցի ընթացքում Քոհենը նաև հանդիպում կունենա Ուկրաինայի արտգործնախարար Դմիտրի Կուլեբայի և հրեական սփյուռքի անդամների հետ։ Նրա այցի ընթացքում Կիևում կվերաբացվի Իսրայելի դեսպանատունը, որը փակվել էր ռազմական գործողությունների պատճառով:

Իր ժամանման մասին տեղեկացնող թվիթերյան գրառման մեջ Իսրայելի ԱԳ նախարարը նշել է, որ վերջին տարվա ընթացքում Իսրայելը կանգնած է եղել ուկրաինացի ժողովրդի կողքին:

הגעתי כעת לקייב, לביקור ראשון של שר ישראלי באוקראינה מאז תחילת המלחמה.
אפגש עם הנשיא זלנסקי ושר החוץ קולבה, אפתח מחדש את שגרירות ישראל בקייב, שתחזור לפעילות רציפה ומלאה, ואבקר בבוצ'ה ובבאבי יאר.
באתי כדי לומר: ישראל עומדת לצד אוקראינה ולצד העם האוקראיני בשעתו הקשה pic.twitter.com/KfD7hqjxun

— אלי כהן | Eli Cohen (@elicoh1) February 16, 2023