Մենք կմեկնենք Մյունխեն, որպեսզի դուրս գանք հաջորդ փուլ. Մբապպե

ՊՍԺ-ի հարձակվող Կիլիան Մբապպեն մեկնաբանել է Չեմպիոնների լիգայի 1/8 եզրափակչի առաջին խաղում «Բավարիայից» կրած պարտությունը (0:1). 24-ամյա ֆրանսիացին խաղադաշտ է մտել հանդիպման երկրորդ կեսում, խփել երկու գնդակ, սակայն դրանք չեղարկվել են խաղից դուրս վիճակի պատճառով։

«Մենք պետք է ավելի արագ գործենք. Մենք կմեկնենք Մյունխեն, որպեսզի դուրս գանք հաջորդ փուլ։ Մեր խաղացողները պետք է գերազանց մարզավիճակում լինեն, բոլորը պետք է ճիշտ սնվեն և լավ քնեն։ Երբ մենք հարձակվողական ֆուտբոլ ենք խաղում, մրցակիցները դժվարանում են»,- Մբապպեի խոսքը մեջբերում է ՈւԵՖԱ-ի մամուլի ծառայությունը։

Չեմպիոնների լիգայի 1/8 եզրափակչի ՊՍԺ-Բավարիա պատասխան հանդիպումը կկայանա մարտի 8-ին «Ալիանց Արենա»-ում։

Աղբյուր  ArmSport.am