Թուրքիայի երկրաշարժից տուժած շրջաններում մոտ 60 կողոպտիչ է ձերբակալվել

Թուրքիայում առնվազն 57 մարդ է ձերբակալվել երկրաշարժից տուժած շրջաններում թալանելու մեղադրանքով։ Այս մասին կիրակի օրը տեղական հեռուստաալիքների եթերում հայտարարել է հանրապետության արդարադատության նախարար Բեքիր Բոզդաղը, Shantnews.am-ի փոխանցմամբ՝ հայտնում է ՏԱՍՍ-ը:

«Թալանի 75 գործով քրեական պատասխանատվության է ենթարկվել առնվազն 64 կասկածյալ, նրանցից 57-ը ձերբակալվել է»,- ասել է նա։

Թուրքիայի փոխնախագահ Ֆուաթ Օքթայն ավելի վաղ հայտարարել էր, որ անվտանգության ուժերը փնտրում են ավելի քան 100 մարդու, ովքեր կասկածվում են երկրի հարավ-արևելքում երկրաշարժերի հետևանքով փլուզված տների կառուցման կանոնները խախտելու մեջ։

Թուրքիայի հարավ-արևելքում գտնվող Քահրամանմարաշ նահանգում փետրվարի 6-ին 9 ժամ ընդմիջումով 7,7 և 7,6 մագնիտուդ ուժգնությամբ երկրաշարժեր են տեղի ունեցել։ Ստորգետնյա ցնցումները, որին հաջորդել են հարյուրավոր հետցնցումներ, զգացվել են երկրի 10 նահանգներում և հարևան նահանգներում, որոնցից ամենաշատը տուժել է Սիրիան։ Թուրքիայում զոհերի թիվը հասել է 24617-ի, Սիրիայի առողջապահության նախարարության վերջին տվյալներով՝ Արաբական Հանրապետությունում տեղի ունեցած երկրաշարժի զոհերի թիվը հասել է 1408-ի, տուժել է 2341 մարդ։