Եվրոպան իրավունք չունի հայ ժողովրդին մենակ թողնել էթնիկ զտումների նոր սպառնալիքի առաջ. եվրապատգամավոր

Եվրախորհրդարանի պատգամավոր Ֆրանսուա-Քսավյե Բելամին Twitter-ի իր միկրոբլոգում տեղեկացրել է, որ ժամանել է Հայաստան, գնացել մինչև Լաչինի միջանցքի մուտքը:

«Այդ միակ ճանապարհը դեպի Լեռնային Ղարաբաղ Ադրբեջանի կողմից արդեն երկու ամիս արգելափակված է։ Այստեղից մի քանի կիլոմետր հեռավորության վրա 120 000 խաղաղ հայեր ապրում են աշխարհից կտրված՝ զրկված ամեն ինչից»,- նշել է եվրապատգամավորը։

Նա ընդգծել է՝ Եվրոպան պետք է գործողություններ ձեռնարկի:

«Մենք իրավունք չունենք հայ ժողովրդին մենակ թողնել էթնիկ զտումների նոր սպառնալիքի առջև: Իրականում այստեղ վտանգվում է նաև մեր երկրների անվտանգությունը»,- հավելել է պատգամավորը:

Arrivé cette nuit en Arménie, à l’entrée du corridor de Latchine : cette unique voie d’accès au Haut-Karabakh est bloquée ici par l’Azerbaïdjan, depuis deux mois maintenant. À quelques kilomètres d’ici, cent vingt mille civils arméniens vivent coupés du monde, privés de tout. pic.twitter.com/C60EivuM9B

— Fx Bellamy (@fxbellamy) February 11, 2023