Կարծում եմ, որ այս պահին մեր գլխավոր մրցակիցը մենք ինքներս ենք․ Ալիսոն

«Լիվերպուլի» դարպասապահ Ալիսոն Բեքերը կիսվել է Անգլիայի Պրեմիեր լիգայի 23-րդ տուրի՝ «Էվերտոնի» հետ խաղից ունեցած ակնկալիքներով։

«Հիմա դժվար պահ է, մենք դա գիտակցում ենք: Կարծում եմ, որ իրավիճակը փոխելու համար առաջին քայլը ձեր իրական վիճակը գնահատելն է։ Մենք դա անում ենք։

Այս շաբաթ ժամանակ ունենք, քրտնաջան աշխատում ենք։ Մենք հասկանում ենք դերբիի կարևորությունը, գիտենք, թե որքան կարևոր է մեզ համար լավ հանդես գալը, ցույց տալ մեր երկրպագուներին, որ մենք դեռ ցանկություն ունենք։ Մենք պատրաստվում ենք դա անել և փորձել հաղթել խաղը։

Յուրաքանչյուր հանդիպում, որը մենք անցկացրինք, իսկապես մեծ փորձություն էր, կարծում եմ մեր խաղի, ոչ թե մրցակցի պատճառով: Կարծում եմ, որ այս պահին մեր գլխավոր մրցակիցը մենք ինքներս ենք։ Իհարկե, «Էվերտոնը» լավ թիմ է։ Նրանք լավագույն վիճակում չեն, բայց նոր մարզիչ ունեն, տրամադրված են, հաղթել են առաջնության առաջատարներին։ Դա ցույց է տալիս, որ նրանց թիմում որակներ կան։ Սա դերբի է՝ նրանք կպայքարեն արդյունքի համար, բայց մենք նույնպես։ Մենք մեր կողքին երկրպագուներ ունենք, և երբ միասին ենք, ավելի ուժեղ ենք»,- Ալիսոնի խոսքերն է մեջբերում «Լիվերպուլի» պաշտոնական կայքը։

Աղբյուր  ArmSport.am