Նապոլին Ռեալից ավելի լավ է խաղում․ ՈՒԵՖԱ-ի փոխնախագահ

«Յուվենտուսի» և «Ռոմայի» նախկին ֆուտբոլիստ, այժմ ՈՒԵՖԱ-ի փոխնախագահ Զբիգնև Բոնեկը խոսել է «Նապոլիի» ցուցադրած խաղի մասին։

««Նապոլին» շատ լավն է Եվրոպայում։ Բայց մի թերագնահատեք «Այնտրախտին», որին նույնպես դժվար է հաղթելը: «Նապոլին» կարող է շարունակել այսպես խաղալ և հեռուն գնալ։ Ինչու՞ նրանք չեն ձգտում հաղթել Չեմպիոնների լիգան: Կարծում եմ՝ «Նապոլին» ավելի լավ է խաղում, քան «Ռեալը»: Նրանք հաղթում են հանդիպումները գերիշխող ոճով, ոչ թե պաշտպանությամբ ու հակագրոհներով։ Նրանք ունեն նաև երկու լավ կենտրոնական պաշտպաններ»,- Բոնեկի խոսքերն է մեջբերում Corriere dello Sport-ը:

Չեմպիոնների լիգայի 1/8 եզրափակիչում «Նապոլին» կխաղա Ֆրանկֆուրտի «Այնտրախտի», իսկ Մադրիդի «Ռեալը»՝ «Լիվերպուլի» հետ։ «Նապոլին» գլխավորում է Ա Սերիան: Մադրիդի «Ռեալը» երկրորդն է Լա Լիգայում:

Աղբյուր  ArmSport.am