Կենտրոնական Թուրքիայում 5,6 մագնիտուդով երկրաշարժ է տեղի ունեցել

Կենտրոնական Թուրքիայում 5,6 մագնիտուդով երկրաշարժ է տեղի ունեցել, Shantnews.am-ի փոխանցմամբ՝ հայտնում է Եվրոպական միջերկրածովյան սեյսմոլոգիական կենտրոնը (EMSC):

Նրա խոսքով, ցնցումները գրանցվել են UTC ժամանակով 03.13-ին:

Երկրաշարժի էպիկենտրոնը գտնվել է Գյոլբաշի շրջանից հինգ կիլոմետր հեռավորության վրա։ Օջախը ընկած էր երկու կիլոմետր խորության վրա։

Երեկ վաղ առավոտյան 7,4 մագնիտուդով երկրաշարժ է տեղի ունեցել Քահրամանմարաշ նահանգում, որի հետևանքով զոհվել է 2921, վիրավորվել՝ 15834 մարդ։ Տուժել է նաև սիրիական Հալեպ, Լաթաքիա, Համա և Տարտուս նահանգներում: Այնտեղ, վերջին տվյալներով, զոհվել է 711, վիրավորվել՝ 1431 մարդ։

Մոսկվայի ժամանակով մոտավորապես 13:25-ին տեղի է ունեցել ևս մեկ երկրաշարժ՝ 7,6 մագնիտուդով։ Թուրք սեյսմոլոգների տվյալներով՝ ամենաշատ տուժած քաղաքներից մեկը Գազիանթեփն է։

Ավելի ուշ փորձագետները երեք տասնյակ հետցնցումներ են գրանցել, իսկ օրվա կեսին՝ նոր հզոր ցնցումներ՝ 7,7 մագնիտուդով։ Երկրաշարժը զգացվել է Լիբանանում, Իրաքում, Իսրայելում, Վրաստանում, Աբխազիայում, փոքր հետցնցումներ են գրանցվել Սոչիում։