Հրապարակվել են արքայադուստր Դիանայի գաղտնի նամակները Չարլզ III-ից նրա ամուսնալուծության վերաբերյալ

Արքայադուստր Դիանայի և Մեծ Բրիտանիայի ներկայիս թագավոր Չարլզ III-ի աղմկահարույց ամուսնալուծության նոր մանրամասներ են հայտնի դարձել։ Shantnews.am-ի փոխանցմամբ՝ այդ մասին գրում է The New York Post-ը։

Lay’s Auctioneers-ում աճուրդի են հանվել Լեդի Դիի գաղտնի նամակները, որոնք նա ուղարկել էր ընկերներին, որոնցում խոսվում էր բրիտանական միապետից իր ամուսնալուծության մասին։ Սպասվում է, որ այս տարվա փետրվարի 16-ին դրանք կվաճառվեն շուրջ 111 հազար դոլարով:

Սյուզիին և Թարեկ Քասեմին ուղղված 31 նամակները նկարագրում են արքայադստեր ապրումները՝ կապված բաժանման հետ:

«Ինձ համար շատ դժվար է, և ճնշումը լուրջ է և գալիս է բոլոր կողմերից: Երբեմն շատ դժվար է գլուխս բարձր պահել, իսկ այսօր ես ծնկի եմ եկել և պարզապես ուզում եմ, որ այս ամուսնալուծությունն անցնի, քանի որ գինը հսկայական է»,- գրել է Լեդի Դին ամուսնալուծության մասին հայտարարությունից երկու ամիս անց:

Նա նաև ասել է, որ իր հեռախոսը գաղտնալսել են։

«Քանի որ ես բջջային հեռախոս չունեմ, դժվար է անձնական հարցեր քննարկել, քանի որ այստեղ ինձ անընդհատ ձայնագրում և փոխանցում ձայնագրությունները… Եթե ​​ես մեկ տարի առաջ իմանայի, թե ինչի միջով պետք է անցնեմ այս ամուսնալուծության պատճառով, երբեք չէի համաձայնի։ Դա հուսահատ և սարսափելի է»,- իր փորձառությամբ կիսվել է արքայադուստր Դիանան: