Ռոնալդուն գոլ է խփում 22-րդ տարին անընդմեջ

Պորտուգալացի հարձակվող Կրիշտիանու Ռոնալդուն պրոֆեսիոնալ ֆուտբոլում գոլ է խփում 22-րդ տարին անընդմեջ։

Ուրբաթ օրը 37-ամյա պորտուգալացին խփեց իր առաջին գոլը 2023 թվականին։ Սաուդյան Արաբիայի առաջնության 15-րդ տուրի «Ալ-Ֆաթեհի» հետ խաղում «Ալ-Նասրը», որի կազմում հանդես է գալիս պորտուգալացի հարձակվող Կրիշտիանու Ռոնալդուն, ոչ-ոքի է խաղացել՝ 2-2:

Հյուրերը զիջում էին մրցակցին մինչև հանդիպման 93-րդ րոպեն, սակայն Ռոնալդուի 11 մետրանոցից գոլը, որը նրա առաջին գոլն է այս առաջնությունում, «Ալ-Նասրին» ոչ-ոքի պարգևեց։

Այսպիսով, Ռոնալդուն իր կարիերայի ընթացքում 22 տարի անընդմեջ գոլ է խփում: Նա առաջին անգամ պրոֆեսիոնալ ֆուտբոլում գոլ է խփել 2002 թվականին։

Աղբյուր  ArmSport.am