Բացի Մեսսիից, չկա այլ խաղացող, որն ունակ է միայնակ հաղթել երկրի առաջնությունը․ Ագուերո

«Մանչեսթեր Սիթիի» և Արգենտինայի հավաքականի նախկին հարձակվող Սերխիո Ագուերոն խոսել է Անգլիայի Պրեմիեր լիգայում չեմպիոնական պայքարի մասին։

Արգենտինացին կարծում է, որ մանչեսթերյան ակումբը կարող է հաղթել Անգլիայի առաջնությունում միայն թիմային հաջողության, այլ ոչ թե կոնկրետ խաղացողների անձնական ձեռքբերումների շնորհիվ։ Ագուերոն հավելել է, որ միայն Լիոնել Մեսսին կարող է միայնակ նվաճել չեմպիոնությունը։

«Տեսնենք՝ Էրլինգ Հոլանդը կարո՞ղ է թիմին ոգեշնչել չեմպիոնության համար: Առջևում դեռ շատ խաղեր կան։ Ռեկորդներ գրանցող Հոլանդը կարող է առանցքային դեր խաղալ: Ամեն դեպքում, բացի Լիոնել Մեսսիից, չկա այլ խաղացող, որն ունակ է միայնակ հաղթել երկրի առաջնությունը։ Խոսքը թիմի մասին է, և «Մանչեսթեր Սիթին» ունի տաղանդավոր կազմ և բացառիկ մարզիչներ: Նրանք բազմիցս դա ցույց են տվել։ Վստահ եմ, որ նրանք կպայքարեն մինչև վերջ»,- Ագուերոյի խոսքերն է մեջբերում Stake-ը:

Պրեմիեր լիգայի ընթացիկ մրցաշրջանում «Մանչեսթեր Սիթին» 45 միավորով երկրորդն է: «Արսենալը» 50 միավորով առաջատարն է և 1 խաղ քիչ է անցկացրել։