Հայտնի է Իրանում տեղի ունեցած երկրաշարժից տուժածների թիվը

Իրանի հյուսիս-արևմուտքում Արևմտյան Ադրբեջան նահանգում տեղի ունեցած երկրաշարժի հետևանքով տուժածների թիվը հասել է 664-ի: Այս մասին այսօր հայտնել է նահանգի նահանգապետ Մոհամմադ Սադեգ Մոտամեդյանը:

«Նախնական տեղեկություններով՝ երկրաշարժը վնաս է հասցրել 2 քաղաքի և ավելի քան 70 գյուղի, ավերվել է շինությունների մինչև 50 տոկոսը»,- «Իրնա» գործակալության փոխանցմամբ՝ նշել է նահանգապետը։