Միապետության բրիտանացի հակառակորդները բողոքի ակցիա են ծրագրում Չարլզ III թագավորի թագադրման ժամանակ

Միապետության բրիտանացի հակառակորդները բողոքի ակցիա են ծրագրում իրականացնել մայիսին՝ Չարլզ III թագավորի թագադրման ժամանակ՝ ասելով, որ այդ արարողությունը «ապտակ է» մարդկանց մեծամասնության համար, ովքեր պայքարում են բարձր գնաճի դեմ, հաղորդում է Reuters լրատվական գործակալությունը:

«Հանրապետություն» նախընտրական խումբը հայտնել է, որ կապ է հաստատել Լոնդոնի ոստիկանության հետ՝ Խորհրդարանի հրապարակում խաղաղ ցույց անցկացնելու իր ծրագրերի մասին տեղեկացնելու:

«Թագադրումը ժառանգական ուժի եւ արտոնության տոն է եւ տեղ չունի ժամանակակից հասարակության մեջ», - ասում է «Հանրապետություն» խմբի գործադիր տնօրեն Գրեհեմ Սմիթը․ «Այս տասնյակ միլիոնավոր ֆունտ արժողությամբ անիմաստ թատերական բեմադրությունը ապտակ է միլիոնավոր մարդկանց համար, ովքեր պայքարում են կյանքի ծախսերի ճգնաժամի դեմ»:

Բուքինգհեմյան պալատն ավելի վաղ հայտնել էր, որ թագադրումը կնշվի երթերով, Վինձորի ամրոցում համերգով, փողոցային երեկույթներով, լուսային շոուներով եւ համայնքային կամավորությամբ:

Հարցումները ցույց են տվել, որ բրիտանացիների մեծամասնությունն աջակցում է միապետությանը, սակայն «Հանրապետություն»-ը ասում է, որ աջակցությունը «դանդաղ տեպերով նվազում է»: