Գերմանիայի իշխանությունները կարծում են, որ ԵՄ-ն պետք է ընդլայնի իր ներկայությունը Աֆրիկայում

Եվրամիությունը պետք է ընդլայնի իր ազդեցությունն աֆրիկյան հանրապետություններում սննդի ոլորտում, շաբաթ օրը հայտարարել է Գերմանիայի պարենի եւ գյուղատնտեսության նախարար Ջեմ Օզդեմիրը («Կանաչներ» կուսակցություն):

«Մենք չպետք է գործողությունների տեղ թողնենք ավտորիտար պետություններին, որոնք այնտեղ ակտիվ են եւ փորձում են իրենց ներդրումների միջոցով նոր կախվածություններ ստեղծել»,- ասել է նա Բեռլինում գյուղատնտեսության նախարարների միջազգային համաժողովի բացման խոսքում, նրա ելույթը հեռարձակվել է ուղիղ եթերում՝ իր կողմից ղեկավարվող գերատեսչության կայքում։

Օզդեմիրը հայտնել է, որ դաշնային կառավարությունն այժմ պայմանավորվել է Աֆրիկյան միության հետ «ապագայի գործընկերության համար», որպեսզի ճգնաժամերի հանդեպ սննդի համակարգերն ավելի դիմացկուն դարձնի։