Ավելի քան 200 միլիոնատերեր Դավոսի վերնախավին կոչ են անում բարձրացնել հարկերը գերհարուստների համար

Ավելի քան 200 միլիոնատերեր կոչ են անում վերնախավի ներկայացուցիչներին, որոնք ներկա են եղել Դավոսի Համաշխարհային տնտեսական ֆորումին այս շաբաթ, «լուծել ավելորդ հարստության խնդիրը» եւ «հարկել գերհարուստներին», որպեսզի օգնեն նվազեցնել սովորական տնային տնտեսությունների կյանքի ծանրաբեռնվածությունը, հաղորդում է CNBC-ը։

Միլիոնատերերը, որոնք իրենց անվանում են հարուստ ամերիկացիների մի խումբ, ովքեր խորը մտահոգված են Ամերիկայում անհավասարության ապակայունացնող մակարդակով, անցյալ տարի իրենց քարոզարշավում կոչ են արել նմանատիպ միջոցներ ձեռնարկել:

«Հարկեք գերհարուստներին եւ արեք դա հիմա»,-կոչ է արել խումբը նոր բաց նամակում։ «Դա հասարակ տնտեսություն է, որը հիմնված է ողջամտության վրա։ Սա ներդրում է մեր ընդհանուր բարիքի եւ ավելի լավ ապագայի համար, որին մենք բոլորս արժանի ենք, եւ որպես միլիոնատերեր մենք ցանկանում ենք կատարել այդ ներդրումները»,-ասվում է հաղորդագրության մեջ։

Ուղերձը նախազգուշացնում է «ծայրահեղությունների դարաշրջանի» մասին, որը նշանավորվում է աճող աղքատությամբ, գույքային անհավասարություններով, հակաժողովրդավարական ազգայնականությամբ, շրջակա միջավայրի ճնշող պայմաններով եւ միջին աշխատողի ապրուստ վաստակելու հնարավորությունների կրճատմամբ:

Նամակում հարցականի տակ է դրվում համաշխարհային տնտեսական ֆորումի առաքելությունը՝ կոնկրետ միջոցառումների բացակայության պայմաններում։ «Ներկայիս անգործությունը լուրջ մտահոգություն է առաջացնում։

Քարոզարշավն ունի 206 մասնակից 12 երկրներից, այդ թվում՝ Աբիգեյլ Դիսնեյը՝ մուլտիմեդիա ժամանցի կայսրության ժառանգորդը, եւ դերասան Մարկ Ռուֆալոն:

«Ծայրահեղ հարստությունը ողջ-ողջ կուլ է տալիս մեր աշխարհը։ Դա խաթարում է մեր ժողովրդավարությունը, ապակայունացնում է մեր տնտեսությունը եւ ոչնչացնում մեր կլիման։ Բայց չնայած համաշխարհային խնդիրների լուծման մասին բոլոր խոսակցություններին՝ Դավոսի մասնակիցները հրաժարվում են քննարկել միակ բանը, որը կարող է իրական ազդեցություն ունենալ՝ հարուստների հարկումը։

Ես Դավոսում էի։ Ես նստած էի նույն սենյակում աշխարհի ամենահարուստ եւ հզոր մարդկանց հետ, երբ նրանք խոսում էին այն մասին, թե ինչպես կարող են փոփոխություն մտցնել, այնպես որ ես կարող եմ դա ասել իմ սեփական փորձից․ Դավոսը ֆարս է: Մինչեւ Դավոսի մասնակիցները չսկսեն խոսել հարուստներին հարկելու մասին, ֆորումը կմնա հանրային օրինակ, թե որքանով են նրանք իրականում կտրված իրականությունից»,-ասել է Դիսնեյը։