Պետրակովը հայտնվել է ծանր իրավիճակում․ Եղիշե Մելիքյան

Հայաստանի հավաքականի նախկին ֆուտբոլիստ, «Փյունիկի» գլխավոր մարզիչ Եղիշե Մելիքյանն իր կարծիքն է հայտնել Ալեքսանդր Պետրակովի՝ Հայաստանի հավաքականը գլխավորելու կապակցությամբ։

Պետրակովը գլխավորել է Հայաստանի հավաքականը, որը Եվրո-2024-ի ընտրական փուլում կխաղա Թուրքիայի, Խորվաթիայի, Ուելսի և Լատվիայի հետ։

«Ինչ վերաբերում է Պետրակովին Հայաստանի հավաքականի գլխավոր մարզիչ նշանակվելուն, ապա այստեղ նա հայտնվել է ծանր իրավիճակում, և ժամանակը ցույց կտա, թե որքանով նրան կհաջողվի այն հաղթահարել։

Նրան հաջողություն եմ մաղթում Հայաստանի հավաքականում։ Թիմը լուրջ խնդիրներ ունի` կապված պարտությունների հետ։ Գումարած, առջևում Եվրոպայի առաջնության ընտրական շատ կարևոր խաղ կա Թուրքիայի դեմ: Հայաստանի ֆուտբոլի ֆեդերացիան շատ ուշացավ այս նշանակումով՝ թույլ չտալով Պետրակովին ունենալ պաշտոնական խաղերին պատրաստվելու ժամանակի լիարժեք պաշար։

Ճանաչելով Հայաստանի հավաքականի խաղացողներին՝ կարող եմ ասել, որ նրանք շատ դաստիարակված մարդիկ են և մեծ պրոֆեսիոնալներ, գիտեն հարգանքով վերաբերվել գլխավոր մարզչին։ Հայաստանի հավաքականում ոչ պրոֆեսիոնալներ չկան, այնտեղ բոլորը մտածում են արդյունքի ու թիմային աշխատանքի մասին։ Եթե ​​Պետրակովը ճկուն լինի ու հարգանք դրսևորի խաղացողների նկատմամբ, կարծում եմ` նա խնդիրներ չի ունենա այս ուղղությամբ։ Պետրակովը փորձառու մարզիչ է, և ես կարծում եմ, որ նա պետք է որ լուծումներ գտնի»,- մեջբերում է Մելիքյանին Sport.ua-ն։