Արտետան ստացել է Արսենալի՝ նոյեմբերի և դեկտեմբերի լավագույն մարզչի մրցանակները

«Արսենալի» գլխավոր մարզիչ Միկել Արտետան ստացել է Անգլիայի Պրեմիեր-լիգայի ամսվա լավագույն մարզչի մրցանակները 2022 թվականի նոյեմբեր և դեկտեմբեր ամիսներին: Այս մասին հայտնում է զինագործների պաշտոնական կայքը:

Այս ընթացքում «Արսենալը» ԱՊԼ 4 խաղի է մասնակցել, որոնցում 4 հաղթանակ է տարել: Արտետայի թիմը հաղթել է «Չելսիին» (1-0), «Վուլվերհեմփթոնին» (2-0), «Վեսթ Հեմ Յունայթեդին» (3-1) և «Բրայթոնին» (4-2):

Սա Միկել Արտետայի երկրորդ մրցանակն էր ընթացիկ մրցաշրջանում: Նա նաև լիգայի լավագույն մարզիչ էր ճանաչվել օգոստոսին, և սա նրա 4-րդ հաջողությունն է «Արսենալում» աշխատելու ընթացքում: Արտետան շրջանցել է մյուս մրցակիցներին՝ Յուրգեն Կլոպին, Էդի Հոուին և Թոմաս Ֆրանկին: