Նյուքասլի ֆուտբոլիստը ձերբակալվել է

«Նյուքասլի» հարձակվող Ժոելինտոնը ձերբակալվել է ոչ սթափ վիճակում մեքենա վարելու համար: Այս մասին հայտնում է The Times-ը։

Բրազիլացի հարձակվողը ձերբակալվել է հունվարի 12-ի առավոտյան այն բանից հետո, երբ ոստիկանները կանգնեցրել են նրա մեքենան Նյուքասլի Փոնթլենդ Ռոուդ թաղամասում։ Ժոելինտոնին մեղադրանք է առաջադրվել ոչ սթափ վիճակում մեքենա վարելու համար։ Ֆուտբոլիստը պետք է տեղական դատարանի առաջ կանգնի հունվարի վերջին: Նիստը նախատեսված է ամսի 26-ին։

Նշվում է, որ «Նյուքասլի» ներկայացուցիչները, այդ թվում՝ գլխավոր մարզիչ Էդի Հաուն, տեղյակ են միջադեպի մասին:

26-ամյա Ժոելինտոնը «Նյուքասլում» է 2019 թվականից։

Աղբյուր  ArmSport.am