Հայտնի է՝ ում շնորհիվ է կայացել Ռոնալդուի տրանսֆերը Ալ-Նասր

Կրիշտիանու Ռոնալդուի տրանսֆերը «Ալ-Նասր» հնարավոր է դարձել Սաուդյան Արաբիայի իշխանությունների շնորհիվ։

Սաուդյան Արաբիայի ներդրումային հիմնադրամը (PIF) ստանձնել է վճարել 37-ամյա պորտուգալացու 200 միլիոն եվրո աշխատավարձը, հաղորդում է France24-ը:

«Ալ-Նասրը» և Սաուդյան Արաբիայի մյուս ակումբներն այդքան գումար չունեն: PIF-ն իր վրա է վերցրել վճարումը»,- նշել է աղբյուրը:

Նշենք, որ Սաուդյան Արաբիայի ներդրումային հիմնադրամն ավելի վաղ ձեռք է բերել անգլիական «Նյուքասլ» ակումբը:

Ավելի վաղ լուրեր էին շրջանառվում, որ Ռոնալդուն ամռանը կարող է վարձավճարով տեղափոխվել «Նյուքասլ», եթե թիմը դուրս գա Չեմպիոնների լիգա:

Աղբյուր  ArmSport.am