Ջանք չեմ խնայելու ձեզ նորից հաղթական էմոցիաներ պարգևելու համար. Դաշյան

«Փյունիկի» կիսապաշտպան Արտակ Դաշյանն ակումբի հետ պայմանագիրը 1,5 տարով երկարաձգելուց հետո կիսվել է տպավորություններով.

«Ուրախ եմ շարունակել իմ ճանապարհը «Փյունիկի» հետ: Առջևում մրցաշրջանի երկրորդ հատվածն է, որտեղ շանս ունենք պայքարել չեմպիոնության և գավաթի համար: Շնորհակալություն եմ հայտնում բոլոր երկրպագուներին աջակցության համար: Հավատացե՛ք՝ ես ջանք չեմ խնայելու ձեզ նորից հաղթական էմոցիաներ պարգևելու համար: Առաՙջ «Փյունիկ»,- ասել է ֆուտբոլիստը:

Հիշեցնենք՝ Դաշյանը «Փյունիկին» միացել է այս տարվա հունվարին՝ օգնելով թիմին նվաճել Հայաստանի չեմպիոն կոչումն ու մեծ ավանդ ունենալով եվրագավաթներում թիմի հաջող ելույթներում:

Աղբյուր  ArmSport.am