Լեո, դու վերահաստատում ես քո մեծությունը. Ֆեդերերը՝ Մեսսիին

Շվեյցարացի թենիսիստ Ռոջեր Ֆեդերերը շնորհավորել է Լիոնել Մեսսիին և Արգենտինայի հավաքականին 2022 թվականի աշխարհի առաջնությունում հաղթելու կապակցությամբ։ Եզրափակչում արգենտինացիները 11 մետրանոցներով հաղթեցին ֆրանսիացիներին:

«Հիասքանչ Արգենտինա! Նորից ու նորից, Լեո, դու վերահաստատում ես քո մեծությունը: Քեզ դիտելը մեծ արտոնություն է: Շնորհավորում եմ Լեոյին և Արգենտինային: Հատուկ ու պատմական պահ»,- գրել է Ֆեդերերը սոցցանցում:

Արգենտինայի հավաքականը երրորդ անգամ նվաճեց աշխարհի գավաթը։ Նախկինում արգենտինացիները հաղթել էին 1978 և 1986 թվականներին:

35-ամյա Մեսսին ԱԱ-2022-ում անցկացրած 7 խաղում դարձել է 7 գոլի և 3 գոլային փոխանցման հեղինակ։ Նա ճանաչվել է մրցաշարի լավագույն խաղացող:

Աղբյուր  ArmSport.am