Մեսսին արժանի է աշխարհի չեմպիոն դառնալուն. Տրեզեգե

Ֆրանսիացի նախկին հարձակվող Դավիդ Տրեզեգեն կիսվել է Կատարում կայանալիք աշխարհի առաջնության եզրափակչում Արգենտինայի ու Ֆրանսիայի հավաքականների առաջիկա հանդիպման սպասելիքներով։

«Ես սա անընդհատ ասում եմ. զգացմունքային առումով, կարծում եմ, որ Լեոն արժանի է չեմպիոն դառնալու՝ այն իմանալով, որ սա կլինի նրա վերջին աշխարհի առաջնությունը: Նա ստիպում է մարդկանց երազել, բայց դա չի խանգարում Ֆրանսիային ցանկանալ պահպանել տիտղոսը: Ֆրանսիան մտադիր է աշխարհի չեմպիոն դառնալ, դրանում կասկած չկա։ Տարիքային տարբերություն կա, Լեոն կարիերան ավարտում է, Մբապեն նոր է սկսել և ամեն տեսակի ռեկորդներ է սահմանելու։ ՊՍԺ-ում նրանք միասին կատարյալ համադրություն են, բայց Արգենտինան խաղում է Մեսսիի համար, ամեն ինչ անցնում է նրա միջոցով»,- Տրեզեգեի խոսքերն է մեջբերում TyC Sports-ը:

Հիշեցնենք, որ ԱԱ եզրափակիչ Արգենտինա-Ֆրանսիա խաղը տեղի կունենա դեկտեմբերի 18-ին:

Աղբյուր  ArmSport.am