Ավելի կարևոր է թիմային հաջողությունը․ Մեսսին՝ ռեկորդների մասին

Լիոնել Մեսսին նշել է, որ Արգենտինայի հաջողությունը ԱԱ 2022-ում իր համար ավելի կարևոր է, քան ռեկորդները:

ԱԱ 2022-ի կիսաեզրափակիչում Խորվաթիայի դարպասը (3:0) 11 մետրանոցից խփած գոլը Մեսսիի համար 11-րդն էր աշխարհի առաջնություններում։ Հարձակվողն արգենտինացիների կազմում գերազանցել է Մունդիալներում գոլերի ռեկորդը։ Նախորդ ցուցանիշը պատկանում էր Գաբրիել Բատիստուտային, որը դարձել էր 10 գոլի հեղինակ:

«Այս ամենը լավ է, բայց կարևոր է միայն թիմային հաջողությունը, որն ամենագեղեցիկը կլինի: Մեզ ընդամենը մեկ քայլ է մնացել։ Մենք շատ պայքարեցինք, և հիմա կտանք մեր ողջ ուժը, որպեսզի այս անգամ հաջողության հասնենք»,- Մեսսիի խոսքն է մեջբերել Goal-ը։

Աշխարհի 2022 թվականի առաջնության եզրափակիչը Արգենտինայի և Ֆրանսիայի միջև կկայանա կիրակի՝ դեկտեմբերի 18-ին։ Սկիզբը՝ Երևանի ժամանակով 18:00-ին։

Աղբյուր  ArmSport.am