Ի տարբերություն Մեսսիի, Ռոնալդուն տիտղոսներ է նվաճել չորս տարբեր երկրներում․ Մորգան

Անգլիացի լրագրող Փիրս Մորգանը խոսել է Լիոնել Մեսսիի և Կրիշտիանու Ռոնալդուի մասին.

«Երբ նայում եք Ռոնալդուի և Մեսսիի վիճակագրությանը, կարևոր է հիշել, որ Կրիշտիանուն երկու տարով մեծ է։

Կարևոր է նաև հիշել, որ ի տարբերություն Մեսսիի, ով Բարսելոնայում էր 17 տարի, Ռոնալդուն տիտղոսներ է նվաճել չորս տարբեր երկրներում, այդ թվում՝ Աշխարհի ամենամրցունակ առաջնություններից երեքում:

Նա դուրս եկավ իր հարմարավետության գոտուց, թեև ցանկության դեպքում կարող էր մնալ «Ռեալում» իր կարիերայի մեծ մասը, բայց գիտակցաբար ընտրեց իր համար նոր լիգաներ և նոր մարտահրավերներ:

Իսկ այդ ժամանակ Մեսսին խաղում էր «Բարսելոնայում», և նրա կողքին այս ամբողջ ընթացքում կային աշխարհի լավագույն խաղացողները։

Եթե ​​դուք մնաք «Բարսելոնայում» ձեր կարիերայի մեծ մասը, ապա տեղափոխվեք ՊՍԺ և շատ հեշտ առաջնություն, դուք իսկապե՞ս ավելի լավն եք, քան մեկը, ով մշտապես տիտղոսներ է նվաճել երեք ամենամրցունակ առաջնություններում: Ես վստահ չեմ»,- մեջբերում է Մորգանին talkSPORT-ը։

Աղբյուր  ArmSport.am