Նոր Զելանդիան հաջորդ տարվանից ծխախոտի գրեթե ամբողջական արգելք կսահմանի

Նոր Զելանդիան հաջորդ տարվանից ծխախոտի գրեթե ամբողջական արգելք կսահմանի։ Խորհրդարանի կողմից ընդունված օրենքը նշանակում է, որ 2008 թվականից հետո ծնվածները երբեք չեն կարողանա ծխախոտ կամ ծխախոտային ապրանքներ գնել, հայտնում է BBC-ն:

Սա նշանակում է, որ ծխախոտ գնելու հնարավորություն ունեցող մարդկանց թիվը տարեցտարի կնվազի։ Օրինակ, մինչեւ 2050 թվականը 40 տարեկանները շատ երիտասարդ կլինեն ծխախոտ գնելու համար:

Առողջապահության նախարար Այեշա Վերոլը, որը ներկայացրել է օրինագիծը, ասել է, որ դա քայլ է «դեպի անծուխ ապագա»: «Հազարավոր մարդիկ կապրեն ավելի երկար եւ ավելի առողջ կյանքով, իսկ առողջապահության համակարգը կբարելավի իր վիճակը 5 միլիարդ նորզելանդական դոլարով (3,2 միլիարդ ԱՄՆ դոլար)՝ ծխելու հետ կապված հիվանդությունները բուժելու անհրաժեշտության բացակայության հաշվին»,- ասել է դոկտոր Վերոլը:

Նոր Զելանդիայում ծխելու մակարդակն արդեն պատմական նվազագույնին է հասել։ Նոյեմբերին հրապարակված պետական վիճակագրության համաձայն՝ մեծաահասակների ընդամենը 8 տոկոսն է ամեն օր ծխում՝ համեմատած անցյալ տարվա 9,4 տոկոսի հետ:

Հույս կա, որ առանց ծխի շրջակա միջավայրի մասին օրինագիծը մինչեւ 2025 թվականն այս թիվը կդարձնի 5 տոկոսից պակաս՝ այս պրակտիկան ամբողջությամբ արմատախիլ անելու նպատակով: