Խորվաթիայում մեզ քննադատում էին՝ Մարոկկոյի հետ ոչ-ոքի խաղալու համար․ Մոդրիչ

Խորվաթիայի հավաքականի ավագ Լուկա Մոդրիչը խոսել է Մարոկկոյի հավաքականի մասին, որը դարձավ Կատարում անցկացվող Աշխարհի առաջնության գլխավոր բացահայտումը՝ դուրս գալով մրցաշարի կիսաեզրափակիչ։

Խորվաթիան ու Մարոկկոն միմյանց դեմ խաղացին խմբային փուլի 1-ին տուրում՝ 0:0, որից հետո շատերը սա ընկալեցին որպես խորվաթների կողմից միավորների կորուստ։

«Մրցաշարում մեր առաջին հանդիպումն էր Մարոկկոյի դեմ: Մենք չհաղթեցինք ու Խորվաթիայում բոլորը սկսեցին մեզ քննադատել… Տեսեք, թե որտեղ են նրանք հիմա։ Ես անմիջապես հասկացա, որ դժվար է խաղալ նրանց հետ, և որ նրանք դժվար մրցակից կլինեն բոլորի համար»,- Մոդրիչի խոսքերն է մեջբերում Ջանլուկա դի Մարցիոն։

Խորվաթիայի և Մարոկկոյի հավաքականները կարող են կրկին հանդիպել մրցաշարում՝ եզրափակչում կամ երրորդ տեղի համար խաղում:

Աղբյուր  ArmSport.am