Չելյաբինսկում մայրուղին թափված մանդարիններից նարնջագույն է դարձել

Չելյաբինսկի մարզի M-5 «Ուրալ» դաշնային մայրուղու վրա կիրակի կեսօրին մանդարիններով բեռնատար է շրջվել։ Ոչ ոք չի տուժել, սակայն հարյուրավոր կիլոգրամ ցիտրուսային մրգեր թափվել են ճանապարհի երթևեկելի հատված:

«Shantnews»-ի փոխանցմամբ՝ ճանապարհային ոստիկանության մարզային վարչության տվյալներով՝ Մոսկվա-Չելյաբինսկ ավտոճանապարհին Volvo բեռնատարի 28-ամյա վարորդը, նախնական տվյալներով, չի կարողացել պահպանել հեռավորությունը և բախվել է «ԿամԱԶ»-ին:

Ճանապարհին շրջված բեռնատարի տեսանյութը նկարահանել են ականատեսները և հրապարակել սոցիալական ցանցերում։ Վարորդներից մեկը բոլորին հրավիրել է գալ վթարի վայր ու «մանդարին գնել»։